By Elies Netbal bou ons spelers asook selfvertroue, deursettingsvermoë en spanwerk. Netbal word met passie afgerig en daardeur presteer ons spanne. Op individuele vlak het ons spelers die geleentheid om aan proewe deel te neem om opgeneem in distrik of provinsiale spanne.  Afrigtingskursusse word gereeld deur die afrigters vbygewoon sodat ons met die nuutste afrigtingsmetodes en denke, ons spanne verder kan ontwikkel. Daar word ook elke seisoen ‘n netbalkliniek gereël om ons spelers se vaardighede te ontwikkel. Ons 0.10 – 0.13 spelers neem deel aan die liga en so ontwikkel hulle hul talente en bou wedstrydervaring op.

Ons poog om spelers sowel as ouers by sportaktiwiteite te betrek. Ons onderwysers is topafrigters en ons kinders kry individueel en in span-verband elke moontlike geleentheid om optimaal te ontwikkel.

Ons spog met 5 mooi netbalbane en bied jaarliks ‘n Elie-sportdag aan waar verskeie skole teen mekaar kompeteer en die dag en die liefde vir díe sport geniet.

By Elies Netbal groei ons saam as n span en ondersteun mekaar. Ons streef ook daarna om ALTYD ons beste te gee.

Mini-netbal

Mini-netbal fokus op basiese vaardighede. Hier kry spelers geleentheid om te groei en te leer en hul selfvertroue te ontwikkel. Vriendskaplike wedstryde word ook gespeel.

Oefentye:

Maandae, Dinsdae en Donderdae

Elies krieket is en was nog altyd ‘n krag om teen mee te ding. Ons spog gereeld met goeie uitslae teen fenominale krieketspanne. Ons o/9 krieketsterre spog gereeld met goeie uitslae sowel as ons o/11, o/13 A en o/13 B spanne. Die o/11, o/13 A en B spanne neem dan deel aan die Noordwesliga waar ons jaarliks in die uitklopwedstryde deurdring en onderskeidelik as streekwenners uitstap. 

Ons o/13 A span word dan ook jaarliks genooi om deel te neem aan die Magalies IPL waar hulle verskeie skole indeel in spanne wat deur Kwena afrigters bestuur word. Dit is n goeie manier om die seuns te ontwikkel en nuwe vriendskappe te vorm. wat deelneem.

Elies se afrigters gaan elke jaar deur verskeie afrigting en skeidsregterkursusse. Elke afrigter dra hulle span op hulle skouers en doen verskriklike goeie voorbereiding voor en tydens die seisoen. Elies krieketafrigters is passievol en trots en sal altyd u kind/ers voluit afrig. 

Elies krieket spog dan ook jaarliks met ons seuns wat Kwena krieket verteenwoordig op hulle verskeie krieket weke waar hulle deelneem aan Noord Wes keuring. Ons seuns verteenwoordig die o/11 A & B, o/12 A & B en o/13 A & B spanne waar hulle uitmuntend presteer teen ons provinsie se beste onderskeidelike spelers. 

Elies afrigters en krieketaanhangers sien geweldig uit vir al ons nuwe sterre en toekomstige Proteas. 

Landloopseisoen is gewoonlik tydens die derde kwartaal alhoewel ons die atlete aanmoedig om die hele jaar fiks te bly. Laerskool Elandskraal neem in die Rustenburgliga deel. Daar is 3 ligabyeenkomste. Seuns en dogters van o/7 – o/13 neem in spanne van 4 of meer atlete deel. Die eerste 10 atlete in elke ouderdomsgroep verwerf ‘n medalje.

Ons atlete neem ook aan Distriks- en Kringbyeenkomste deel voordat hul vir die Noordwesspan kan kwalifiseer. Laerskool Elandskraal het al heelwat atlete opgelewer wat hul Noordweskleure verwerf het. In 2019 het Laerskool Elandskraal ook die Kringbyeenkoms suksesvol aangebied en groot eer verwerf.  

Tydens die jaarlikse Erkenningsaand word ‘n Junior – en Senior Landloopatleet aangewys.

Oefentye:

Maandae, Dinsdae en Donderdae